India mi chuanna lawng kangah mi 11 thi

India mi chuanna bungraw phur lawng kangah mi 11 an thi.  Russia leh Crimea inrina tuipuiah lawng pahnih hi tuialhthei an inhlanchhawn laiin a kang a, chhanchhuah hna thawh nghal a ni.

Candy tia hmingphuah lawngah hian hnathawktu 17 awmin heng zingah hian Turkey mi pakua leh India mi pariat an tel a ni. Maestro lawng lianah hian thawktu 15 an awm a, Turkish leh Indian pasarih thawktu zingah hian an tel.

Russian Maritime Agency tarlan danin thawktu ṭhenkhat chu lawng aṭang hian an zuangthla hman a, mi 12 chu chhanchhuah hman an ni. Chhanchhuah hna thawh nghal ni mah se khua a chhiat avangin hnathawh chak a harsa hle nia tarlan a ni a, mi pakua chu chin hriat lohin an la awm mek.

Lawng pahnih chet-sualna lai Krech Strait hi Ukraine leh Russia tan sumdawnna hmun pawimawh tak a ni a, Russia aṭanga Crimea panna hnai ber a ni bawk. He hmunah hian Russia lei siam chu nikum May thla khan hawn a ni nghe nghe.