India rama madrasas khar turin nawr

Uttar Pradesh Shia Central Waqf Board  chairman Waseem Rizvi chuan Prime Minister Narendra Modi hnenah India rama Muslim zirna in madrasas chu khar vek tura thurawn a pek avangin sawisel a tawk nasa hle. 

Rizvi hian PM hnena a lehkhathawnah hian ram chhunga madrasas hi khar vat an nih loh chuan tun aṭanga kum 15-ah chuan firfiak pawl Islamic State-te zirtirna a hluar a hlauh thu a ziak a ni. 

A lehkhathawnah hian Rizvi vhuan, "Heng madrasas-te hi khar vek an nih loh chuan tun aṭanga kum 15 a ral leh chuan kan rama Muslim sakhaw vuantu chanve hi chuan ISIS an thlawp vek ang. Kan hriat ṭheuh angin ISIS hian Muslim tamna ramah hmun khuar an tum mek a ni," tiin India rama madrasas-te chu firfiak pawlte ṭanpuitu an nih mai a hlauh thu a sawi.

India ramah nekchep an nih thu sawi fotu Muslim sakhaw vuantute chu Rizvi thusawi avang hian an lawm lo hle. Rizvi hian Jammu and Kashmir-ah chuan ISIS-te'n sum leh pai hmang leh khawsakna hmun nuam zawk tiamin naupang an thlem nasa niin a sawi a, heng naupangte hi nakin lawka India ram himna atana hlauhawm an nih thu a sawi tel bawk.