UP CM-in doctor-te thingtlangah kum hnih tal awmtir tum

Uttar Pradesh chief minister Yogi Adityanath chuan government medical college aṭanga MBBS degree zir chhuakte chu zirna sang zawk an kal leh hmain, kum hnih tal thingtlangah an awm phawt tur a ni, a ti. 

UP CM chaun MD leh MS zir duhte tan pawh, rural area-ah an thawk hmasa phawt tur a ni tiin, doctor-te chuan bond sign tir an nih tur thu a sawi. Internship an tihna kawngah pawh tumahin sorkar duhsakna dawn tumin thil an ti tur a ni lo, a ti bawk. 

State chhunga Pradhan Mantri Jan Arogya Yojana a hlawhtlin dante sawiin, he scheme hi chhungkaw vaibelchhe 1.18 in an chhawr a, CM Jan Arogya Yojana scheme chu chhungkaw nuai 8.45 in hmang ṭangkaiin, mi nuai 1.89 hnenah golden card sem a nih thu a sawi. 

Medical sector lama a kaihhruai BJP sorkar hnathawh hrang hrangte sawi chhuakin, CM chuan kum 1947-2012 inkar khan medical college 12 chiah din a ni a, mahse an sorkar hnuah medical college 15 dinin  heng zinga pasarih chu hawn an ni tawh tih a sawi bawk. Hei bakah hian district tinah life support ambulance pek a ni a, hemi hmang hian mi nuai khat chuang zet chu damdawi-in ṭha zawk panpui an nih theih phah a ni, a ti.