PM Modi-a'n CDRI zawm ve turin a sawm

New York a United Nations General Assembly neih mekah, Thawhṭanni khan UN Climate Action Summit hmannaah PM Modi chuan  "Coalition for Disaster Resilient Infrastructure (CDRI)" hawnna neiin, UN member-te chu zawm ve turin a sawm nghal.

UN Climate Action Summit neih hi UN Secretary-General Antonio Guterres chuan a kaihruai a ni. Modi chuan kum 2015-a India hmalaknaa "International Solar Alliance" siam chu ram 80 chuangin an zawm tawh thu a sawi.

Mahatma Gandhi piancham vawi 150-na lawmna pualin nimin khan Modi hian "Gandhi Solar Park" chu United Nations headquarters-ah a hawng nghal bawk a ni. 

UN General Assembly vawi 74 neihnaah hian Modi chuan, "Khawvel ram zawng zawngte hian sik leh sa inthlak hi kan ngaihven tak zet a ṭul tawh. Hemi kawngah hian kan ṭanho vek a pawimawh em em a ni. Vawi tam tak inhrilh ai chuan tlemte ringawt pawh a tak taka hmalakna kalpui a nih chuan a sawt zawk a ni," a ti.