Election Commissioner nupui hnenah hriattirna pe

Income Tax Department chuan Election Commissioner Ashok Lavasa-a nupui, Novel Singhal hnenah chhiah awlrua puh chungchangah hriattirna a pe. 

Novel Singhal hi kum 2015-2017 chhung khan company 10 ah director a ni a, hemi chhunga chhiah a pek dante enfiah a nih hnuin, a sum lakluh ṭhenkhat chu a thup ṭhen nia sawi a ni. Hei vang hian IT department chuan a chhiah pek dan kimchang sawifiah turin a ti a ni.  

Singhal chuan hemi chungchang hi thuchhuah siamin a sawifiah nghal a, a chhiah pek tur ang chu a pek kim thu leh, a sum lakluh zat zep ṭhen a neih loh thu a sawi. IT depatment aṭanga hriattirna a dawn pawh ṭha taka a chhan thu a sawi. Novel Singhal hi kum 28 chhungin State Bank of India-ah Class I officer in a thawk a, kum 2005 khan a bang a ni. A hna aṭanga a ban hnu hian hna dang thawkin, company eng emaw zatah independent director angin a awm zui a ni.