UP CM leh MLA-te TB natna vei enkawl turin hriattir

Uttar Pradesh Health Minister Jai Pratap Singh chuan TB natna vei pakhat tal enkawl turin an state chief minister mai bakah, Member of the Legislative Assembly (MLA)-te chu a hriattir.

He thil hi PM Modi hmalakna hnuaia kum 2025-a India rama TB natna umbo tuma hmalakna kal zel thlawpna a ni. Pratap Singh chuan ka dinna bial Siddhartha Nagar district ami TB natna vei ka enkawl ang, tiin a intiam ve bawk.  

UP CM Yogi Adityanath pawhin TB natna vei a enkawl dawn thu a sawi. Ani bakah hian Governor Anan­diben Patel leh Raj Bhawan official-te chuan tun thla tir khan TB natna vei an enkawl thu an tarlang.

Jai Pratap Singh chuan an state khawpui Lucknow-ah TB natna vei mi 14,600 an awm thu a sawi a, heng mite enkawl nan hian an state sorkar chuan damdawi-in hrang hrangah CB-NAAT test machine a dah niin a sawi.

TB natna veite hian khaihlak loa treatment an lak chuan, thla khatah cheng Rs. 500 an dawng ṭhin a ni. Anmahni bank account-ah awlsam tein pawisa an dawn hi transfer a ni mai ṭhin.

Jai Pratap Singh chuan sorkar hnathawkten TB natna veite an in lama an enkawl ve theih chuan a lawm a tih zual tur thu a sawi. Varanasi TB hospital-a doctor-ten TB natna vei an inlama an enkawl nual thu tarlan a ni bawk.