Sorkarin Sardar Patel National Unity Award siam

Sorkar laipui chuan India ram inpumkhatna leh inzawmna ṭha siamna kawnga thawh hlawkte chawimawina tur Sardar Patel National Unity Award a siam. 

He chawimawina hi mimal, institution leh group emaw hlan an ni ṭhin ang. Official thuchhuah chuan, September 20 khan Ministry of Home Affairs chuan Sardar Patel National Unity Award chungchangah hriattirna a tichhuak tih a sawi. He award hi India inpumkhatna leh inzawmna ṭha siamna kawnga chawimawina a pek san ber a ni ang. Award dawngtu hi Sardar Patel piancham, October 31, National Unity Day-ah puan a ni ṭhin ang a, President-in Rashtrapati Bhawan-a Padma award a sem rualin a sem ve nghal ang. 

Award dawngtu tur thlangtu committee chu Prime Minister-in a ho dawn a, member-ah hian cabinet secretary, principal secretary to the prime minister, secretary to the President, Home Secretary bakah PM -in a thlan mi pali an tel dawn a ni.