Chandrayaan-2 Vikram lander thla leilungah a innghat na hle: NASA

National Aeronautics and Space Administration (NASA) chuan nimin khan thuchhuah siamin Chandrayaan-2 Vikram lander thla leilungah a innghah dan kha 'hard landing' a nih thu an sawi.

NASA chuan, "Vikram kha thla leilungah khan a innghat na hle a, a awmna chin chiah pawh la tihchian tur a ni. Lunar Reconnaissance Orbiter Camera Quickmap aṭangin heihi a lang thei a, thla south pole aṭanga km 600 velah hmuh a ni," tiin an sawi. A innghahna hmun bawr vel an hmuh laia a thim deuh avangin hmuhchian a har thu sawiin, thla (shadow) a tam avangin an hmuchiang thei lo a,a thim lai khawiah emaw berah chuan a awm theih an rin thu an sawi. LRO-in a kalpelh hunah a hriatchian theih dawn tih sawiin October velah chuan an hmuhfiah theih tawh an ring a ni. Hemi hunah hian chiang zawka a thla lak an tum leh ang.

LRO hian a 'landing site' hi October 14-ah a thlawh kan leh dawn a, hetah hian a hmunhma pawh a en deuh an beisei tih Goddard Space Flight Centre, Deputy Project Scientist Lunar Reconnaissance Orbiter Mission John Keller chuan a sawi.