Bihar-ah ruahsur nasa vangin mi 21 thi tawh

Bihar-ah chuan Zirtawpni liam ta aṭanga nasa taka ruah a sur avangin mi 21 zet an thi tawh niin official-te chuan nimin khan an sawi.

Bhagalpur leh Gaya-ah mi paruk ve ve an thi tawh a, Patna-ah pangnga thi tawhin, Begusarai, Jamui, Sitamarhi leh Samastipur district-ahte chuan pali ṭheuh an thu tawh bawk. Ruahsur nasa hian kawngpui leh rel tlan pawh nasa takin a nghawng a, East Central Railway official-te chuan rel 12 tlan chu an cancel phah tawh tih leh, pasarih chu an tlan hun tihkhawtlai a nih bakah 20 chu kawng danga tlantir an ni tih an sawi. Healthcare facility, office leh school-ahte pawh harsatna nasa takin a thlen a ni.

Muzaffarpur, West Champaran, East Champaran, Darbhanga, Gaya, Bhojpur leh Bhagalpur district-a khaw tam tak chuan tuilian vangin harsatna nasa tak an tawk bawk. National Disaster Response Force (NDRF) chuan team 18 chhawmdawl leh ṭanpui hna thawk turin an tir tih an sawi tawh bawk a, State disaster management department principal secretary Pratyay Amrit chuan district official-te chu ruah tam zawk a la sur theih avangin inralring tura a hriattir thu a sawi.

Madhya Pradesh leh Rajas­than-ah pawh ruahsur nasat vang hian Inrinni leh Pathianni khan mi paruk an thi tawh a, heng zinga pathum hi kum tling lo an nih thu tarlan a ni.