Tharoor leh journalist Sardesai-te SC-ah zualko

Congress party MP Shashi Tharoor leh seniour journalist Rajdeep Sardesai-te chuan January 26-a Delhi khawpui chhunga loneitute tractor rally neihnaa buaina chhuak kaihhnawihah an laka FIR eng emaw zat ziahluh a ni chu nimin khan Supreme Court-ah an khing let ve leh. 

Shashi Tharoor leh journalist  paruk chuan twitter-a  Republic Day nia buaina chhuakah chungchang an sawinaah midang rilru hruai kawi thei zawngin an post nia puhin, Madhya Pradesh police-te chuan FIR an zialu kut a ni. 

Hemi hma hian Noida police-te chuan sorkar laka hel tura fuihpawrhah puhin an pasarih hian thubuai a lo siamsak bawk. January 30 khan Delhi police-te chuan Tharoor, Sardesai leh midangte lakah hian thubuai a ziaklut ve leh a ni. 

Thawhlehni tlai khan journalist - Mrinal Pande, Zafar Agha, Paresh Nath leh Anant Nath-te pawh an laka FIR ziahluh a nih chungchangah Supreme Court-ah hian ngenna an lo thehlut tawh bawk.