Loneitute intodelh nan sorkarin hma a la : PM

Prime minister Narendra Modi chuan a kaihhruai sorkar chuan loneitute hamṭhatna tur leh an intodelhna turin kawng hrang hrangin hma a la tawh tih nimin khan a sawi. 

Video conference kaltlanga nimina Uttar Praesh-a Gorakhpur district-a Chauri Chaura centenary lawmna a hawnaah he thu hi sawiin, PM chuan India ram hmasawnna tura loneitute tha thawhte chu ropui a tih thu sawiin, an mamawh hrang hrangte an intodelh a,an eizawnna aṭanga sum tam zawk an lakluh theihna turin sorkar chuan hma a lak tawh thu a sawi. 

"Kum ruk kalta chhung khan loneitute intodelhna turin hmalak­na  hrang hrang kalpui a ni a, hei vang hian rampuma hripui a leng chung pawhin agriculture sector chuan hma a sawn zel a ni," a ti.