Electric unit 200 thleng hmangten Bill chawi dawn lo : Arvin Kejriwal

Delhi chief minister Arvind Kejriwal chuan Delhi-a chengte chuan electric unit 200 chinah bill an chawi a ngai tawh dawn lo tih a sawi.

Arvind Kejriwal chuan an thutlukna siam chu thutlukna chhinchhiah tlak a ni tih sawiin, an hruaitu liante leh officer-te pawhin a thlawnin electric an dawng tho a, mipuite pawhin hetiang an dawn ve theih hi ka duh mai a ni, a ti.

Hetihlai hian unit 200 aia sang hmangte chuan a rate pangngai angin fee an chawi dawn tho. Delhi-ah hian 201 - 400 unit hmangte hian Rs 4.5/kWh bill an chawi a, 401 - 800 unit hmangten Rs 6.5/kWh,  801 -1200 unit hmangten Rs 7/kWh leh 1200 unit chunglam hmangte chuan Rs 8/KWh an chawi ṭhin.   

Mahse 201 - 400 unit hmangte chuan 50% subsidy an hmu dawn thung tih chief minister chuan a sawi a ni.