Anti-terror amendment bill pass

Unlawful Activities (Prevention) Amendment Bill chu nimin khan Rajya Sabha-ah pass a ni. He bill hi July 24 khan Lok Sabha-ah pass a lo ni tawh bawk. 

Nimina Rajya Sabha-a vote laknaah hian bill thlawp lamah vote 147 a tla a, a duh lo lamah vote 42 a tla thung. He dan siamṭhat hian sorkar laipui chu firfiaka mi puang tur leh a thil neihte chhuhsak theihan turin thuneihna a pe a ni. 

Nimina Rajya Sabha-a amendment bill ngaihtuah a nih dawn hian, eptu lam chuan selection committee hnenah thawn phawt rawtin motion an pu lut a, mahse hei hi hnawlsak an ni.

Vote lak hmaa sawihonaah, home minister Amit Shah chuan he dan siamṭhatna tur hian thawh liin zirchian vek a ni tih a sawi a, tu dikna chanvo mah palzut sak an ni dawn lo, tiin he dan hi hmansual a nih dawn loh thu a sawi. Mimal, firfiaka puan an ṭulna chhan hi an awmna pawl chu dan pawna hnawl an nih hnuah pawl dang an din leh mai ṭhin vang a ni, tiin a sawi bawk.