Union health minister-in Doctor-te nawrh titawp turin ngen

Union health minister Harsh Vardhan chuan National Medical Commission (NMC) Bill duh loa  nawrh huaihawt mek, doctor aiawhte chu nimin khan hmuin, an hna thawk chhunzawm tawh turin a ngen. 

Minister hian he bill hi damlo leh doctor-te ṭhatna tura duan a nih thu a sawi. Mahse doctor-te hian sorkarin bill a pass thar hi mi retheite huam lo, zirlaite hmakhua ngai lo leh mipui duhthlan loh ang a ni tih an sawi thung. 

Resident doctor-te hian nimin thleng khan nawrh hi an la chhunzawm a, service zawng zawng pawh an titawp a, sorkar hospital hrang hranga emergency department thlengin service an titawp a ni.