Pfizer-in emergency atana hman phal dilna sut

Prizer company chuan Covid-19 vaccine a siam, India rama emergency a hman phalsak tura dilna a siam chu a sut leh. 

UK leh Bahrain-in phalna an pek hnuah, Pfizer hian  Drugs Controller General of India (DCGI)  hnenah India rama emegency atana hman phalsak turin a dil ve leh a ni. Mahse nimin khan company thuchhuah siamin, India rama Emergency Use Authorisation a dil chungchangah, February 3-a  Drug Regulatory Authority of India-a Subject Expert Committee meeting-ah an tel thu sawiin, meeting-a an thusawiah information dang an mamawh chungchangte an sawi aṭangin company chuan a dilna hi hnuhdawh leh mai a rel ta tih a sawi. 

Pfizer chuan a remchang veleh dilna hi an thehluh ṭha leh dawn tih an tarlang a, India rama an vaccine siam chu hman a nih ve ngei theih chu an duh tih an sawi a ni. Nikum December thla khan Pfizer hian drug regulator hnenah dilna hi a thehlut a ni.