University Grant Commission-in Four-Year UG course kalpui leh rawt

Four Year Under-graduate Programme (FYUP) tihtawp a nih aṭanga kum nga hnuah, University Grants Commisison committee chuan college leh university quality ṭha zawk a awm theihna turin four-year degree course kalpui leh 

a rawt. 

Member pali awmna committee hian UGC hnenah report hi an thehlut a, tuna undergraduate-a three-year course kalpui mek chu thlak an rawt a ni. UGC committee bakah Human Resources Development (HRD) ministry-in National Education Policy (NEP) thar ngaihtuah tura a ruat panel pawhin three-year course kalpui hi an lo rawt tawh bawk. 

Four Year Under-graduate Programme (FYUP) hi Delhi University-in an vice chancellor hlui Dinesh Singh hunlaia an bul ṭan a ni a, mahse he programme hi HRD minister a nih laiin Smriti Irani chuan a lo hnawlsak tawh a ni. NEP panel chuan HRD minister thar Ramesh Pokhrial Nishank hnenah report thehlutin, undergraduate-ah four-year course kalpui leh zawk tura an duh thu an sawi.