Cabinet-in abortion bill siamṭhat a pawm

Union cabinet chuan  nimin khan Medical Termination of Pregnancy (Amendment) Bill a pawm. He bill siamṭhatah hian nu-in a naupai tihtlak phalsak chin chu kar 20 aṭangin kar 24 ah pawhsei sak a ni.

Union minister Prakash Javadekar chuan nu hriselna dinhmun avanga a nau pai tihtlak a ngai a nih chuan, doctor pahnih hnen aṭanga remtihna a neih a ngai a, doctor pakhat zawk chu government doctor a ni bawk tur a ni, a ti. Nau tihtlak phalsak chin, kar 20 aṭanga kar 24-a pawhsei chu nu ho, doctor leh court pawhin a hmain an lo phut tawh a ni, tiin a sawi. He bill hi Parliament budget session-ah pharh a ni ang.