SSA hnuaia school hming thlak dawn

Ministry of Education chuan  Samagra Shiksha Scheme hnuaia school leh hostel hming Subhas Chandra Bose hming chawiin thlak vek an ni dawn tih a puang. 

Thuchhuah an siamah, Ministry of Education (MoEs) Samagra Shiksha Scheme hnuaia school leh hostel awmte chu Netaji Subhas Chandra Bose residential schools and hostels tih an ni tawh ang. He thutlukna hi naupang leh zirtirtu bakah staff-te zirna leh thiamna ṭha zawk neih theihna tura fuihna atana siam a ni tih a tarlang. 

State leh Union Territory hrang hrangah SSA hnuaiah hian residential school 383 leh hostel 680 a awm a, hengte hi ministry of education-in a sanction a ni.