CoBRA commando unit-a hmeichhe team hmasa ber lalut

Central Reserve Police Force (CRPF) hnuaia Commando Battalion for Resolute Action (CoBRA) unit-a hmeichhia team hmasa ber chu kar liam ta Inrinni khan laklut a ni. 

CoBRA hi kum 2009 khan CRFP hnuaiah intelligence-based jungle warfare operation kalpui tur bika din a ni. Unit-ah hian mipa hlang hlir an awm ṭhin a, mahse tunah chuan  hmeichhe team an awm ve ta a ni. Mi 34 awmna, CoBRA hmeichhe team-te hi anti-Naxal operation nei turin tirhchhuah an ni ve ang. 

CRPF thupuangtu chuan hmeichhe commando team-a tel turte hi women battalion paruk aṭanga thlan chhuah an ni thu a sawi a, thla thum chhung pre-induction training an neih hnuah Naxal hel hluarna, Chhattisgarh-a Sukma, Dantewada leh Bijapur district-ahte tirh chhuah an ni dawn tih a sawi.