Pakistan bomb puakah pahnih thi, pathum hliam

Pakistan chhim chhak lam, Balochistan province-a Quetta khawpuiah Thawhlehni khan bomb a puak a, mi pahnih an thih bakah mi dang paruk an hliam.

Bomb puahna area-a Police Station House Officer chuan bomb puahna hmun hi Haideri Market-a dawr pakhatah a ni tih a sawi. Quetta hi Balochistan province capital a ni.

Bomb puak hian dawr hi a tichhe hneh hle a, a bul vela dawr ṭhenkhat pawh a tichhe nual bawk. Police leh chhanchhuah hna thawktute chu a hmunah hian kal nghalin hliam tuarte hi damdawi-in an panpui nghal a ni. Eid-ul-Adha festival awm tur atana mipui inbuatsaih hunlai, dawr lun hunlai tak a ni a, police-te chuan bomb puak hi an chhuizui nghal a ni. Eng pawl mahin an tih a nih thu an la sawi lo.