Bhutan-ah PM Modi a zin dawn

Prime minister Narendra Modi chu August 17-18 hian Bhutan-ah a zin dawn tih Ministry of External Affairs (MEA) chuan a sawi. 

Narendra Modi hian Bhutan lal, Jigme Khesar Namgyel Wangchuck a hmu dawn a, Bhutan prime minister Dr Lotay Tshering nen an inkawm bawk ang. Kumin May thlaa Rashtrapati Bhavan-a PM atana Modi lakluhna inkhawmah khan Dr Lotay Tshering leh BIMSTEC hruaitute pawh an tel a ni.

Kum 2017-a India, Bhutan leh China inrina, Donglong (Doklam)-a Indian Army bunker-te China-in an tihchhiat chungchanga buaina a zawh fel hnuah, PM Modi hi Bhutan-ah hian a vawi khat nan a zin a, tun ṭum hi a zin leh hmasak ber tur a ni. Kum 2014-a Modi, PM atan thlan tlin a nih khan, ram pawn a chhuahsanna hmasa ber chu Bhutan a ni bawk. 

Modi hi PM atan tlan nawn a nih leh hnuah 'Neighbourhood First Policy' chu tih hlawhtlin a nih theih nan, Maldives-ah a zin chhuak hmasa ber a, a hnuah Sri Lanka tlawh lehin India ram ṭhenawm nena thawhdunna ṭha 

an neih theih nan a zinkual a ni.