Jaipur-ah buaina chhuak, hmun 10-ah internet titawp
Rajasthan khawpui Jaipur-ah Pathianni khan community pahnih inkarah buaina nasa tak a chhuak a, hemi avang hian hmun 10-ah internet an titawp lailawk.
Police-te chuan buaina hi a tirah chuan buaina liantham a ni lo tih leh a hnuah erawh a punlun nasa hle tih an sawi. Thawhṭanni zanah khan Ramganj leh Khole Ke Hanuman Ji Chauraha-ahte chuan buaina hi a chhuak ṭha leh bawk a, hemi a nih avang hian nimin khan hmun 10-ah internet hi an titawp ta a ni.
Jaipur police commissioner chuan Thawhṭanni zanah khan Delhi kawng Haridwar pana tlan bus, Kanwariyas phurtu chu lunga vawm a ni tih sawiin, hemi hnua buaina chhuak zuiah hian bus eng emaw zat chu tihchhiat a nih thu a sawi bawk.
Lunga bus an vawm chhan pawh hi police-te chuan an la hre lo a, an chhuizui mek. Thawhṭanni zana buaina chhuak thunun nan hian police-te chuan tear gas-te an hman a ngai hial a, civil mi 20 leh police pasarih vel chuan hliam an tuar bawk.