J&K chungchangah SC inrawlh duh lo

Supreme Court chuan Jammu and Kash­mir chungchangah a inrawlh duh lo tih sawiin, boruak pangngai tak a awm leh theihna turin sorkar laipui chu hun pek a la ngai rih tih a sawi. 

Congress activist Tehseen Poonawalla chuan Article 370 tih­tawp a nih hnuah J&K-a khuahkhirhna hrang hrang kalpui a nih chungchangah Supreme Court-ah petition a thehlut a, a petition hi nimin khan Justice Arun Mishra kaihhruai judge pathum awmna bench chuan a ngaihtuah a ni. 

Supreme Court chuan J&K-a khuah­khirhna hman mek hlih tir tura ngen chung­changah thupek a siam duh rih lo. Sorkar lai­pui chuan J&K-a thil thleng chu nitinin a thli­thlai reng a, district magis­trate tin aṭangin report pawh a lut reng tih sawiin, khuahkhirhna pawh a ṭul dan ang zela thlahdul a ni tih a sawi.