Army Training Com-mand sawn tum a ni

Indian army thuamṭhat kawnga hmalakna kal zelah Shimla-a awm mek Army Training Command (ATC) chu hmun dangah sawn tum mek a ni. ATC hi Mhow, Madhya Pradesh aṭangin kum 1993 khan Shimla, Himachal Pradesh-ah hian sawn a ni.

ATC sawnna hmun tur hi Army General lian te'n an ngaihtuah mek a, thutlukna mumal tak siam a la ni lo nachungin Meerut, Secunderabad, Bengaluru leh Gaya-te chu hming lamrik nasat zingah an tel a ni.

Sipai nuai sawm chuang zet awmna Indian army siksawi mek a ni a, Director General of Military Training hna chu ATC kutah hian hlan a ni dawn a ni. Shimla-ah hian he hna kawihhnawih thil pawimawh a awm loh avangin ATC hi sawnchhuah tum a nih thu an tarlang.