Kerala zirlai pakhatin Coronavirus a kai
China rama Wuhan University-a Kerala mi zirlai pakhat, India-a lo haw chu nimin khan novel coronavirus (nCoV) a kai tih hriatchhuah a nih thu, union ministry of health and family welfare chuan a tarlang.
He natna kai hi damdawi-inah dah hran nghal a ni a, a rang lama enkawl zui nghal a nih thu Union health minstry chuan a tarlang bawk. Ni hnih liam taa China aṭanga India-a rawn haw, Punjab-a Mohali khuaa khawsa kum 28 mi chu a nawmsam loh avangin, rinhlelh thilah Chandigarh-a Post Graduate Institute of Medical Education & Research (PGIMER)-ah dah a ni bawk. Mahse nCoV natna hi a kai em, tih erawh finfiah a la ni lo.
India sorkar chuan India mi Wuhan-a awm mek mi 250 chuang chu lakchhuak tumin hma a la mek bawk a ni. Kumin January 1 hnua China aṭanga India-a rawn hawte chu an awmna hnai bera damdawi-inah inentir turin union health ministry chuan a hriattir. nCoV kai nia inringhlelte chu darkar 24 chhung atana siam helpline number 91-11-23978046-ah in hriattir turin ministry chuan a ti bawk a ni.