Khawvela traffic chhiatna ber Bengaluru
Netherland-a hmunpui nei, satellite navigation equipment-maker TomTom-in TomTom Traffic Index a tihchhuahah Bengaluru chu khawvela kawngpui chep ber leh traffic chhiat bernaah an thlang.
TomTom hian ram hrang hrang 57-a khawpui 416 zet a zirchiang a, road traffic data an lakkhawmna aṭang hian Bengaluru hi khawvela traffic chhiatberna a nih thu an puang. Traffic chhiat zualna khawpui 10 zingah hian India khawpui dang Mumbai, Pune leh New Delhi-te pawh an lang bawk a ni.
Khawpui 416 an zirchian aṭanga 57%-ah hian traffic chhiat hian zual lam a pan a, 15%-ah erawh hmasawnna a awm thung.
Report aṭanga a lan dan chuan Karnataka khawpuia chengte hian an beisei aia 71%-a tam traffic jam-ah hun an hmang ṭhin. Peak hour-ah phei chuan kum khat chhunga traffic jam-a an hun khawhral zat hi ni 10 an vela chhut a ni.
India ram khawpuite bakah hian Philipp-ines; Bogota, Colombia; Moscow, Russia; Lima, Peru; Istanbul, Turkey; leh Jakarta, Indonesia-te chu traffic chhe zual zingah hian an lang pha bawk.