Chhattisgarh-in SC leh OBC quota tipung

Congress kaihhruai Chhattisgarh sorkar chuan nimin khan zirna leh hnaa Scheduled Castes (SC) leh Other backward Classes (OBC)-ten quota an neih chu a tihpunsak. Chhattisgarh-ah hian tun dinhmunah hian OBC-te hian 14% reservation an nei a, SC-te hian 12% neiin Scheduled Tribes (ST)-te chuan 32% an nei thung.

Chief minister Bhu­pesh Baghel chuan nimin khan Independence Day lawmnaa thu a sawiah OBC-ten 27%, SC-ten 13% leh ST-ten 32% reservation, zirnaah leh sorkar hnaah an nei tawh dawn tih a sawi a ni. SC leh OBC reserva­tion tihpun hian 'regional politics' a khelhna kawng­ah Baghel hi nasa takin a puih an ring.

Bhupesh Baghel chuan elephant reserve pawh an din dawn tih a sawi bawk. "State chuan sai vangin bungrua leh nunna nasa tak a chan tawh a ni. Hei hi a chhan bulpui ber chu an chenna hmunah harsatna an tawh vang a ni a, hemi rilrua dah chung hian ‘Lemru Elephant Reserve’ kan din dawn a ni," a ti. District thar din an tum thu a sawi bawk.