Rahul-a'n RBI Governor hnenah lehkha thawn

Rahul Gandhi chuan Nilaini khan Reserve Bank of India (RBI) Governor Shaktikanta Das hnenah Kerala miten crop loan pek tur an la neih chu December 31 thleng pawhseisak turin a ngen.

Tunhnaiah leh nikum lamah ruahsur nasa avanga tuilian thlengin Kerala mite hi an in leh lote a tih chhiat sak nual a, an state chhungah hian harsatna hrang hrang an tuar a ni. Hei vang hian crop loan an la rulh tur hi pawhseisak turin RBI Governor hi lehkha thawn meuhin a ngensak a ni.

Kerala district 14-ah mi 80 dawn laiin tuilian vang hian nunna an chan a, mi 40 bawr vel chu an awmna chin hriat a nih loh thu thuneitute chuan an sawi. Malappuram district-ah hian mi 29 an boral a, relief camp 1,332 siam a ni bawk. 

India Meteorological Department (IMD)-te chuan ni nga chhung chu ṭek leh ruah hian ziaawm lam a pan an la rin loh thu an sawi. Kerala khuaa Wayanad district hi Rahul Gandhi-a dinna bial a ni a, hei vang hian Rahul-a hian Kerala mipuite harsatna hi a ngaihsak lo thei lo a ni.