Tamil Nadu-ah district thar 2 siam belh dawn

Tamil Nadu chief minister Edapaddi K Palaniswami chuan district thar pahnih siam belh a ni dawn tih a sawi.

Edapaddi K Pala­niswami chuan Vellore aṭangin Ranipet leh Tirupattur district-te siam belh a ni dawn tih sawiin, hemi tur hian minister, MLA-te leh vantlang mipuite rawn an ni tih a sawi a ni.

Fort St George, Chen­nai-a Independence Day lawmnaa thu a sawinaah district thar pahnih siam belh a ni dawn tih a sawi a ni. Hetiang a nih takah hi chuan Tamil Nadu-ah hian district 37 a awm tawh dawn a, July thla khan district thar pahnih Chengelpet leh Tenkasi siam belh a lo ni tawh bawk. January-ah khan district thar pakhat siam a ni bawk a, kumin chhung ringawtin district thar panga an siam belh tawh.