Maharashtra-ah Chhungkaw nuai 1.17 chuangin power nei lo

Maharashtra-a tuilen nasatna hmun- Sangli, Kolhapur leh Satara-ahte chuan nimin thleng khan power a la awm lo a, hei hian chhungkaw nuai 1.17 chuang a nghawng.

Sangli, Kolhapur leh Satara-te hian ni 10 chhung zet chu power hi an nei tawh lo a, state energy minister Chandrashekhar Bawankule chuan Nilaini khan August 15 aṭang chuan power hi tihnun an tum tawh tih sawi mah se nimin thleng kha chuan an la nei chuang lo a ni.

August 5-a tuilian nasa tak avang khan chhungkaw nuai 3.90 vel zet chuan power an nei lo a, Maharashtra State Electricity Distribution Company Limited (MSEDCL), Mahavitaran tia hriat bawkte chuan tuilenna hmunahte hian power hi an cut a ni. Mahse hmun eng emaw zatah chuan power hi pek a ni leh tawh a, nimin thleng kha chuan mi nuai 1.17 chuangin an la nei lo thung.

Tuilen vang khan Maharashtra-ah hian  transformer leh power metre 2,625 zet chu a chhia a, minister chuan hemi siamṭha tur hian theihtawpin hna an thawk tih a sawi ve bawk.