Mauritius PM Jugnauth- a'n India a lo thleng

21st January, 2019

Ni riat chhung India tlawh tura lo kal Mauritius Prime Minister Pravind Kumar Jugnauth chuan Pathianni khan India a rawn thleng a, India ram hruaitu pawimawhte nen inkawmna an nei ang.

Jugnauth hian Thawhṭanni hian Varanasi a pan nghal dawn a, Pravasi Bharatiya Divas hunserh hmannah Prime Minster Narendra Modi nen hun an hmangdun ang.

Jugnauth hi a cham chhung hian India President Ram Nath Kovind nen inkawmna an nei dawn a, Maharashtra pawh a tlawh nghal bawk ang. Hindu-te hun pawimawh Kumbh Mela a hmanpui hnuah January 28 hian an ram lam a pan ang.