Mayawati chungchang sawi danah BJP MLA hriattirna pe dawn

National Commission for Women (NCW) chuan Uttar Pradesh-a BJP MLA Sadhana Singh-i chu Bahujan Samaj Party (BSP) hotu Mayawati-i chungchang mawi lo taka a sawi avangin insawifiah tura hriattirna a pe dawn. 

BJP MLA Sadhana Singh-i hian kar kalta Inrinni-a thu a sawiah, kum 1995-a Lucknow-a guest house-a Samajwadi Party worker-ten Mayawati leh BSP hruaitu ṭhenkhatte an khawih chungchang sawichhuakin, Mayawati chu mahni inngaihhlutna pawh nei lo, thuneihna a chan theihna tura a zahawmna pawh hralh duh niin a sawi a, mipa leh hmeichhia angah pawh a ngaih loh thu sawiin mi tilreh (eunuch) ai pawha laktlak lo a ni, tiin a sawi. 

NCW official chuan BJP MLA thusawi chungchanga report an dawn thu leh,  insawifiah tura hraittirna an thawn tur thu a sawi. Vawiin hian hriattirna hi an pe ang.