Paskistan-in silai mu nuai khat chuang a lei dawn

India sipaite Line of Control (LoC) lama an chet nat avangin Pakistan sorkar an awm mai mai bik lo a, India sipai tawmbuk kap pha tur Howitzer silai mu nuai khat chuang lei turin Italy nen inremna an siam niin Indian Intelligent Agency-te chuan an tarlang. 

India sorkarin nikum lama US hnen aṭanga M 177 Howtitzer an lei chhanletna turin Howitzer silai 121 zet a lei belh bawk. Mahse heng silaite hi Paskistan ṭhian ṭha tak China hneh aṭang ni loin Itlay siam a ni daih thung. 

India intelligence officer a hming tarlan loh chuan, "Pakistan hian China siam Howitzer-ah an inghat lutuk tawh lo a ni maithei a, a nih loh pawhin Italy siam hi a tlawm zawk pawh a ni mahna. Italy hnen aṭanga a lei erawh hi chu thil mak tak chu a ni hrim hrim," tiin Pakistan leh Italy indawr chu thil thleng zen zen a nih loh thu a sawi.