CBI-in police commissioner hlui Rajeev Kumar a ko

Central Bureau of Investigation (CBI) special crime branch chuan Kolkata Police Commissioner hlui leh tuna ADG (CID) nilai, Rajeev Kumar chu Rose Valley case kaihhnawihah nimin khan a ko. 

CBI chuan Kumar hi a hmain agency official-te chuan Saradha ponzi scam kaihhnawihah thu an lo zawtfiah tawh tih a sawi. Mahse tun ṭuma an kohna chhan hi sum tam tham tak tihchingpenna, Rose Valley scam chungchang vang a ni, a ti. 

Calcutta High Court chuan Kumar hi Saradah ponzi scam kaihhnawihah CBI-ten a laka action an lak theih lohna turin humhimna a lo pe tawh a, hetiang bawk hian Rose Valley case-a humhimna pe turin High Court-ah hian a dil leh mek bawk.