Hindu ni lo sakhawn dang vuantute tan hlauhawm a awm lo- Amit Shah

West Bengal-a Bharatiya Janata Party (BJP) tana campaign mek party President Amit Shah chuan Hindu ni lo sakhaw dang vuantute tan Citizenship (Amendment) Bill (CAB), 2016 chu hlauhawm a nih loh thu a sawi a, Indian citizenship pek vek an nih tur thu a sawi.

Amit Shah chuan, "Bengal-a Hindu ni lo sakhaw dang raltlante tan CAB hi thil hlauhawm a ni lo. Bengal-a Hindu, Buddhist, Sikh, Kristian sakhaw vuantute tan hlauhawm a awm lo tih ka sawi duh a, khua leh tui nihna pek vek an ni ang," tiin Hindu sakhaw vuantute chu CAB hnuaiah duhsak bik an nih loh tur thu a sawi.

Shah hian West Bengal-a sorkar lai Trina-mool Congress pawh a bei chhunzawm nghal a. Mamata Banerjee sorkar chuan raltlante tan engmah tihsak an neih loh thu sawiin vote hmuhna atan bak an hman loh thu a sawi tel bawk. Amit Shah hian Bengal refugee-te chu BJP vote turin a chah a, Narendra Modi sorkarna hnuaiah India khua leh tui nihna pek vek an nih tur thu a sawi a ni.