Indian sailor tangkhangte Feb 14-ah lo thleng dawn

Union shipping minister Mansukh Man­daviya chuan China rama tangkhang mek, Indian sailor 18-te chu February 14-ah India ram an rawn thleng dawn tih a sawi. 

Bungraw phur lawng­lian, MV Anastasia chu nikum September thla aṭang khan China ram tuipuiah an tangkhang tawh a ni. He lawng kal­chhuah theihna a­­tan hian China-a India em­bassy chuan theihtawp a chhuah hnuin, nimin khan an kal chhuak thei ta niin Ports Shipping and Waterways minister Mandaviya chuan a sawi a ni. 

China tuipuiah hian hun eng emaw chen chu cargo ship pahnih an tangkhang a, China thuneitute chuan co­rona­­­virus hripui leng vanga khuahkhirhna  a siam hnuaiah heng lawngte hi hun rei tak lawngchawlhna hmuna an chawlh emaw, thawktu an thlak kual emaw a phalsak lo a ni. Sailor 23 awmna MV Jag Anand chu January thla khan a rawn kir tawh a ni.