Republic Day parade-ah INA sipai tel ve dawn

India-in zalenna a neih aṭanga kum 70 chuang hnuah India zalenna atana thawhhlawk tak Subhash Chandra Bose-a din Indian National Army sipaite chu a vawikhatna atana Republic Day parade-ah an tel ve ang. 

Sipai tel turte hi Bhagmal, Lalti Ram, Hira Singh leh Parmanand-te niin an zinga upa ber Bhagmal hi kum 100 mi a ni tawh nghe nghe. Republic Day parade-a tel tur sipaite hi an upa tlang hlawm hle a, an pali hian kum 97 aṭanga kum 100 inkar an ni hlawm.

India sipai hotu zinga mi Major General Rajpal poonia chuan INA sipai pali chiah an tel chhan hi sawifiahin INA sipai la damte zawnchhuah a harsat vang niin a sawi. INA sipai palite bakah hian India ralthuam lei thar M-777 howitzers leh K-9Vajras PD-te chu a vawikhatna atan mipui hmuh theih turin phochhuah a ni nghal ang.