SC-in 10% quota siam thar zirchiang dawn

Sorkar laipuiin general catergory hnuaia mi rethei leh harsa zawkte puala sorkar hna laknaa 10% quota a siamsak chungchang chu Supreme Court chuan a zirchiang dawn a, hemi rual hian he quota hman tur erawh a dang dawn lo. 

Chief Justice of India Ranjan Gogoi kaihhruai bench chuan nimin khan quota siam thar chungchanga petition luhte hi a ngaihtuah a ni. Sorkar laipuiin general category hnuaia mite tana 10% quota a siam belh leh hian ST, SC leh Other Backward Class-te tana quota siam nen 60% a tling a, hei hi ram danpuiin quota dah theih chin tura 50% a duan chu a pel a ni. Hei vang hian quota siam belhna tur hian danpui pawh siamṭhat a ngai dawn a ni. 

Petition thehluttute chuan kum 2006-ah pawh Supreme Court chuan quota siam chuan 50% a pel tur a ni lo tih a lo sawi tawh nia tarlangin, tuna quota siam thar leh chu ram danpui kalh a ni a, ṭhiat leh nghal turin an ngen.