Surface-to-air missile enchhin a hlawhtling

India sorkar chuan ram venhimna lam leh sipai ralthuam thuamṭhat kawngah hma a lak chhunzawm zel a, Ningani khan hlawhtling takin surface-to-air missile enchhinna a nei.

He missile hi Defence Research and Development Organisation leh M/s Israel Aerospace Industries-te ṭangkawpin an siam a ni a, India leh Israel-in defense lama an thawhdunna kawnga sulsutu pawimawh tak a ni. 

Indian Navy lawng lian aṭanga enchhin he missile hian a tum tak a kapfuh nghal niin defense ministry chuan an tarlang a, an tum leh hlawhchhuah tumte a hlawhtling vek tih an tarlang tel bawk.

Defence Minister Nirmala Sitharaman chuan Twitter lamah missile kahchhuah chu India tan hlawhtlinna ropui tak a nih thu a tarlang a, he missile hlawhtlin theihna tura thawktute a lawmpui thu a sawi tel bawk.