PM Modi-a thil dawnte an lilam

Prime Minister Naren-dra Modi-a'n office a luah ṭan tirh aṭanga a thil dawnte chu lilam a ni a, heng aṭanga sum hmuhte hi Ganga lui tihfaina atana hman a ni dawn a ni. Heng thil lilamte hi chi hrang hrang a tam hle a, lemziah mai bakah lung, thal, hmaikawr leh jacket-te a tel nawk a ni.

Heng thil lilamte hi Prime Minister Office lam aṭangin a man an tuk lawk a, hlut tu an ṭhahnem hle. Mi 600 vel zetin he thil lilamna hun hi an chhim a ni.

Prime Minister thil dawn lilam zingah hian in bang cheina Thangka chu hralh to ber niin Rs 12,500-a hralh a ni a, Statue of Unity lim hriatrengna atana siam lim chu Rs 11,000 a hralh a ni bawk. Mahatma Gandhi, Swami Vivekananda, Sardar Vallabhbhai Patel leh Narendra Modi-te chuanna lemziak chu Rs 9000-a hralh a ni bawk. 

Heng thil lilamna hi Thawhlehni leh Ningani pawhin online-a chhan theih a ni dawn a, www.pmmementos.gov.in.-ah lutin a chhan ve theih dawn a ni.