UP-ah IAF Jaguar thlawhtheihna a tla

Uttar Pradesh khawpui, Lucknow aṭanga km 300 vela hla Khushingar-ah nimin zing khan Indian Air Force (IAF) Jaguar thlawhtheihna a tla. 

Thlawhtheihna hi Gorakhpur air base aṭangin training mission-a thlawh chhuak a ni a, farm-ah tlain a kang zui a ni. A tlak hma hian pilot hi him takin a inkhawhchhuak hman a ni. 

IAF official-te chuan rang takin thlawhtheihna tlakna hmun hi an pan nghal a, a chetsual dan hi chhui chian a nih tur thu an sawi. 

Nikum June thla khan Jaguar thlawhtheihna hi Jamnagar air base aṭanga a thlawh chhuah hnu lawkah a lo tla tawh bawk a, hemi ṭum pawh hian pilot hi him takin a chhuak hman a ni.  

Twin-engine aircraft hi kum 1979 khan Indian Air Force hman tur hian pek an ni.