Kejriwal-a'n class room thar 11,000 sakna tur lungphum phum

Delhi Chief Minister Arvind Kejriwal chuan Delhi sorkar school-a class room thar 11,000 sakna tur lungphum a phum a, Kejriwal-a sorkar hnuaiah hian kum 2015 leh 2018 inkar khan class room 8,000 lai sak belh a ni tawh bawk.

AAP Party hruaitu Kejriwal chuan, "Building thar sak hi thil harsa lutuk a ni lo. Delhi sorkar school-a zirtirtute hian khawvela zirna in ṭha leh ngaihsan Cambridge, Oxford leh Harvard-ah te zirtirna an dawng tawh a ni. Nikum khan sorkar school aṭangin IIT-JEE test paltlang 350 bawr vel an awm a, IIT chhuak ka nih avangin a harsat zia ka hrechiang a ni," tiin Delhi sorkar school chu naupangte zirtirna kawngah a ṭha tawk hle tih a sawi.

New Friends Colony-a Sarvodaya Kanya Vidyalaya hmuna lungphum neihna hmunah hian deputy chief minister  Manish Sisodia pawhin thu a sawi a, Sisodia hian sorkar school thar 25 din a nih tawh thu sawiin 31 chu sak mek thu a nih thu leh building thar 78 sakna tur an buaipui mek thu a sawi. Sisodia hian Delhi sorkar school-te chu mimal enkawl zirna in tam tak aia a ṭhat zawk thu a sawi tel bawk.