Vice Chief of the Naval Staff thar Vice Admiral G Ashok Kumar

Indian Navy-in hotu thar a nei ta a, nilaini khan Delhi-a Naval Headquarters, South Block-ah Vice Admiral G Ashok Kumar chu Navy hotu thar ni tura lakluh a ni.  

Vice Chief of the Naval Staff thar G Ashok Kumar hian Vice Chief kalchhuak ta Ajit Kumar a thlak a, Nilaini vek khan Mumbai lam a pan nghal a ni.

National Defense Academy, Pune aṭanga inzirchhuak Vice Chief G Ashok hian July 1982 khan Indian Navy a zawm a, kum 30 chuang zet Navy-a a thawh chhung hian hna pawimawh tak tak a chelh hnem tawh hle.

Kochi aṭanga Navigation leh Direction course a zir zawh hnuin India Naval lawng Beas, Nilgiri, Ranvir leh Vikrant-ah te Navigating Officer hna a chelh tawh a, INS Kulish leh Ranvir-ah te Commanding Ofiicer a ni tawh bawk. Vice Admiral thar G Ashok Kumar hi Indian Navy officer zingah chuan a chhuanawm ber pawl a ni.