SC-in K. Chidam-baram-an India a chhuahsan phalsak

India rama court sang ber Supreme Court chuan Finance Minsiter hlui P Chidambaram-a fapa Karti Chidambaram chu India ram chhuahsan a phalsak a, Karti hian vaibelchhe 10 sum a dahkham a ngai thung.

Karti Chidambaram hi INX Media leh Aircel Maxis chungchanga thubuai nei lai mek a ni a, Chief Justice of India Ranjan Gogoi hoa a thubuai hi ngaihtuah mek niin Supreme Court chuan Karti hi a thubuai chungchanga thuneitute thawhpui ṭha turin an hriattir nghal bawk a ni.

Court thuchhuah tarlan danin Karti hian February 10 aṭanga 26 chhung chu a duhna hmun a pan thei dawn a, nimahsela Enforcement Directorate hmaah March 5, 6, 7, leh 12-te hian a thubuai chungchangah a inlan a ngai dawn a ni.