Sachin Pilot-a'n farm bill siam thar turin phut

Congress party senior leader, Sachin Pilot chuan sorkar laipui chu a tihmawhna dah ṭha a, farm law pathum a siam tharte chu sut a, lonetiute rawn chungah farm bill thar duang leh turin a ti. 

Sachin Pilot chuan BJP chuan NDA hnuaia a thawhpui, Akali Dal leh RLP te chu farm law thar chungchangah pawh a hneh thei lo a, hetichung hian heng dante hi engtinge loneituten an pawm theih an beisei, tiin a zawt. 

Farm law chung­changah Congress party-in a ngaihthlak a thlakthleng leh nia BJP in a sawi chungchang chu chhangin, Pilot chuan BJP chu ngaihdan thlakthleng reng zawk a nih thu sawiin, Congress chuan issue hrang hrang­ah ngaihdan nghet tak a nei a ni, a ti. BJP chuan Aadhaar, GST, MGNREGA, FDI leh thil dang dangah a ngaihdan a thlak reng niin a sawi. 

Agriculture reform chu an thlawp reng tih sawiin, mahse loneitute hmakhua ngai lo zawnga dan siamte erawh an thlawp thei lo tih Rajasthan deputy chief minister hlui chuan a sawi. Farm law tharte hi an siamna chhan ber, loneitute leh an aiawhte bakah state sorkarte ngei pawh berawn loa siam a nih thu sawiin, hei hi buaina a awmna chhan pakhat a ni tih a sawi bawk.