India Gate-in kum 100 a tling

New Delhi-a awm India rama hmun hmingthang India Gate chuan Nilaini khan kum 100 a tling. India Gate hi tunhma chuan All India War Memorial tia hriat a ni ṭhin a, February 10, 1921 khan a lungphum phum niin Nilaini khan kum 100 a tling chiah a ni.

Record aṭanga a lan dan chuan Duke of Connaught, Prince Arthur chuan India a rawn tlawh laiin lungphum hi a phum. India Gate hi Indopui I-na hunlai, 1914 leh 1921 inkara British Indian Army indonaa thi sipai 70,000 hriatrengna atana siam niin gate-ah hming 13,300 a inziak a, chung hming zingah chuan United Kingdom officer ṭhenkhat hming pawh a tel.

Sir Edwin Lutyens-a design niin metre 42-a sang a ni. Kum 1972 khan India Gate hnuaiah khuan Amar Jawan Jyoti siam a ni leh a, hei hi  Indo-Pak War, 1971-a sipai thi tate hriatrengna atana siam a ni thung. Lungphum phum a nih aṭanga kum 10 ral hnu, February 12, 1931 khan Lord Irwin chuan India Gate hi a hawng a ni.