Covid-19 Vaccine nuai 70 sem chhuak rang ber ram India

India chu khawvel ram hrang hrang zinga Covid-19 vaccine nuai 70 chuang sem chhuak rang ber a ni a, ni 26 chhungin mi nuai 70 chuang hnenah vaccine pek hman a ni.

Union Health Ministry chuan thuchhuah an siamah mi 70,17,000 hnenah vaccine an pe tawh tih tarlangin darkar 24 chhungin mi 4,51,000 hnenah vaccine an pe hman tih nimin khan an tarlang. 

Ministry chuan State leh Union Territory 13-a health care worker   65% lai hnenah vaccine hi pek a ni tawh tih sawiin Bihar chu pek tam tawhna ber niin 79% hnenah an pe tawh a ni.

India ramah hian nimin thleng khan Covid-19 dam leh rate chu 97.26% a ni tawh a, darkar 24 chhungin mi 11,000 aia tam dama puan an ni. Tuna hri kai mek rate hi 1.31% a nih thu an tarlang bawk.