MNREGA hlawh atan state sorkar sum hman ngai maithei

Mahatma Gandhi National Rural Employ-ment Guarantee Act (MNREGA) hnuaia mipuite hlawh pe thei lo state sorkar te chuan central lam aṭangin sum an dawn belh tawh a, mahse heng sum te hi sorkar kum kal lai mekah a tawk lo a nih chuan state sorkar te chuan an pawisa an hman mai a ngai dawn niin tarlan a ni.

Central thuchhuah chuan, "State sorkar pawisa hman phal state-te chu an pawisa lo hmang mai turin phalna kan pe tawh a ni. Central lamin April chawlhkar hmasa berah a rul leh vek dawn a, hnathawktute hian a hun takah hlawh la thei se tih hi kan duh ber chu a ni," tiin MNREGA hnuaia hnathawk te'n a hun taka hlawh an lak theih chu sorkar ngaih pawimawh ber a nih thu a sawi.

MNREGA hnuaia financial statement-a a lan danin January 30 thleng khan state leh union territory 19 zet te chu ngaihtuahawm dinhmunah an awm mek a, central lamin pawisa an bat sak mek hi Andhra Pradesh-ah chuan  vaibelchhe 1,605 niin West Bengal-ah chuan  vaibelchhe 1,342 zet a ni tawh bawk.