Security force-te beihnaah mi pasarih in hliam tuar

Jammu & Kashmir lamah India sipaite'n beih an tawk chhunzawm zel a, tun kar chhunga a vawi hnihna ni turin hel pawlte chuan nimin khan India sipaite awmna hmun chu bomb hmanga an beih avangin mi pasarihin  hliam an tuar a ni.

He inbeihna thlengah hian hmeichhia pathum, mipa pahnih leh sipai pahnihin hliam an tuar a, hliam tuar te hi damdawiinah hruai nghal an ni a, an na lutuk lo nia tarlan a ni.

Police-te chuan he thil thlengah hia thubuai an ziak lut tawh a, pawikhawihtute zawn hna hi ngawrh taka thawh nghal a ni. Thawhlehni pawh khan helte hian India sipaite hi bomb hmang bawkin an lo bei tawh a, hemi ṭum pawh hian inhliam mi pahnih an lo awm tawh bawk a ni.