Kashmir chungchangah Amit Shah-a'n National Security Advisor Ajit Doval a hmu

Union home minister Amit Shah chuan nimin khan Jammu and Kashmir chungchangah National Security Advisor Ajit Doval leh Home Secretary Rajiv Gauba-te hmuin, J&K dinhmun an sawiho.

Ajit Doval hi tunhnai lawk khan Article 370 paih avanga J&K dinhmun enfiahin a kal a, ni 10 chhung zet a cham a ni. A cham chhung hian hmun hrang hrang tlawhin mi hrang hrang a kawm bawk. Army hotu lu leh paramiliary commander-te pawh meeting a neihpui a ni. 

Amit Shah-a'n Ajit Doval leh Rajiv Gauba-te a tlawha an thusawi ho chungchang hi tarlan a la ni lo thung. Kashmir-ah chuan nimin khan khuahkhirhna thlahdul deuh a ni tawh a, school-te pawh hawn a ni leh tawh. Zirtirtute chu school-ah hian kal mah se zirlai school kal erawh an tam lo hle. Official-te chuan primary school hawn phawt a ni tih an sawi a, a hlawhtling hle tih leh middle leh higher secondary school-te pawh an hawn chhunzawm leh dawn thu an sawi.

Inrinni report-ah kha chuan buaina liantham chhuak a awm tawh lo a, Srinagar hmun ṭhenkhatah erawh duh lohna la lantir niin, mi pasarih vel chuan hliam an tuar tih tarlan a ni thung.